തിരക്കഥ


ചാരമാകുന്നതിനു മുന്‍പ് കുറിച്ചിട്ട ഒരു കഥയുണ്ട് 
ഞാന്‍ ഞാനായും നീ നീയായും അഭിനയിക്കേണ്ടിയിരുന്ന  ഒരു തിരക്കഥ 
ചലച്ചിത്രമെന്ന ആഗ്രഹമല്ല 
കഥയെന്ന സ്വപ്നം... കൌതുകം!

ക്യാമറയും ലൈറ്റ്സോനുമില്ല 
ആദിത്യന് നേരെ , ആദിത്യന് കീഴെ 
പിന്നെ കടല്‍കാറ്റും കാട്ടാറും 
ഉള്ളടക്കം അത്രമാത്രം 

മരണമില്ലെന്ന് കരുതിയ ഭ്രാന്തന്‍ ചിന്തകള്‍ 
മരിക്കില്ലെന്ന് കരുതിയ സങ്കല്പങ്ങള്‍ 
പ്രപഞ്ചത്തോട് തോന്നിയ  അതിരില്ലാത്ത അഭിനിവേശം 
സാക്ഷാത്കാരങ്ങള്‍ക്കായുള്ള അലച്ചില്‍.....

നക്ഷത്രങ്ങളുടെ  കണ്ണുനീരായിരുന്നു വില്ലന്‍
കഥ മഴയില്‍ കുതിര്‍ന്നു, മഷി പടര്‍ന്നു... 
ഒഴുകിപ്പോയ അക്ഷരങ്ങള്‍ക്കിടയിലെവിടെയോ 
ഉരുകിനീങ്ങിയ കഥാപാത്രങ്ങള്‍.....ഞാന്‍, നീ, നമ്മള്‍

മറന്നുപോയ കഥയില്‍ മനംനൊന്ത് 
കഥാവശേഷനായി പാവം കഥാകാരന്‍......  

Comments

  1. Sherin m sDecember 13, 2012 at 5:26 AM

    touching sweet beautiful poem...great one dear brother :-)

    ReplyDelete

Post a Comment

Popular posts from this blog

തകരപ്പെട്ടി

Image
അനന്തപുരിയുടെ വിതുമ്പുന്ന വികസന സ്വപ്നങ്ങള്‍ക്കിടയില്‍ , ഓരോ വട്ടവും ജനിക്കാനായ്   സൂര്യന്‍ മരിക്കുമ്പോള്‍ , നെടുവീര്‍പ്പിട്ടുണരുന്ന ഒരു തെരുവുണ്ട് ... വാക്കുകള്‍ കൊണ്ട് ശപിക്കപ്പെടുകയും , സഹനം കൊണ്ട് അനുഗ്രഹിക്കപ്പെടുകയും ചെയ്ത ബ്രിട്ടീഷ് സ്ട്രീറ്റിനു നല്ല മുല്ലപ്പൂവി ന്‍റെ  മണമാണ്.    കാലുകള്‍ക്കിടയില്‍ ചോര വാര്‍ന്നോഴുകുമ്പോഴും , ഒരുകൂട്ടം “ അസംസ്കൃത വസ്തുക്കളെ ” പച്ചയായി വ്യഭിചരിക്കാന്‍ കൂട്ടുനില്‍ക്കുന്ന   മുല്ലപ്പൂവിന്‍റെ മണം . ******************** അധികം വികാരവ്യത്യാസങ്ങളൊന്നും ഇല്ലാതെയായിരുന്നു സുഹ്റ അതു കേട്ടത്. ഒന്‍പത് വര്‍ഷങ്ങള്‍ക്ക് ശേഷം താനിതാ വീണ്ടും ഒരു വില്പ്പനച്ചരക്കായിരിക്കുന്നു. ഒന്‍പത് വര്‍ഷം തന്നെ "സംരക്ഷിച്ച" ആനുമ്മയെ ഉപേക്ഷിച്ച് അവളിന്ന് പടിയിറങ്ങുകയാണ്.   ഇനിയെന്തെന്ന ചോദ്യത്തിന് അവളെ സംബന്ധിച്ചടത്തോളം പ്രസക്തി തീരെ കുറവായിരുന്നു. താന്‍ അവസാനമായ് കണ്ട സ്വപ്നം ഓര്‍മിച്ചെടുക്കാന്‍ അവള്‍ ശ്രമിച്ചു - തെല്ലും നിരാശയില്ലാതെ , ഒരു നിശ്വാസത്തോടെ അവളതുപെക്ഷിക്കുകയും ചെയ്തു. ഇക്കാലമത്രെയും തനിക്കു കൂട്ടിരുന്ന
Read more

കോട

Image
ഞാൻ ചെറുതും എന്റെ അനുജൻ തീരെ ചെറുതും ആയിരുന്ന ഒരു വേനലവധിക്കാലത്താണ് കോട ആദ്യമായി ഞങ്ങളുടെ വാടകവീട്ടിലേക്ക് വരുന്നത്. കോടയുടെ യഥാർത്ഥ പേര് എന്താണെന്ന് അന്നെനിക്ക് അറിയില്ലായിരുന്നു. അവർ മണ്ണിന്റെ ആഴങ്ങളിലേക്ക് അലിഞ്ഞുചേർന്ന്, അവിടം മുറുക്കിച്ചുവപ്പിച്ചു കാലങ്ങൾക്ക് ശേഷമാണ് അവർക്ക്‌ ജഗദമ്മ എന്നൊരു പേരുണ്ടായിരുന്നതായും, ജനിച്ചുവീണപ്പോഴും പൂത്തുവളർന്നപ്പോഴും ആരും അവരെ കോടയെന്ന് വിളിച്ചിരുന്നില്ലെന്നും ഞാനറിയുന്നത്. ഫേഷ്യൽ പാൽസി എന്നൊരു അസുഖമുണ്ടെന്നും അത് ആർക്കും എപ്പോൾ വേണമോ വരാമെന്നുമൊക്കെ ഞാൻ അറിയാനാകട്ടെ ഇനിയും കാലമുരുളേണ്ടിയിരുന്നു.  നഗരമെന്നോ ഗ്രാമമെന്നോ പറയാനാകാത്ത ഒരു സ്ഥലത്തായിരുന്നു ഞങ്ങളുടെ വാടകവീട്. മൂന്നു മുറികളും ഒരു ഹാളും അടുക്കളയുമുള്ള ആ വീടിന്റെ ചുമരുകൾ തീരെ ബലമില്ലാത്തതും വിരലുകൾ കൊണ്ട്  ആഞ്ഞമർത്തിയാൽ അടർന്നുവീഴുന്നതുമായിരുന്നു. കൂട്ടിനു അമ്മ വല്ലപ്പോഴും അമ്മുമ്മ തരംകിട്ടുമ്പോൾ എല്ലായ്പ്പോഴും  പറഞ്ഞുതന്നിരുന്ന  കഥകൾ മാത്രമുണ്ടായിരുന്നതിനാലാകാം  അതൊരു അരക്കില്ലമാണെന്നും ഏതെങ്കിലും ഒരു രാത്രിയിൽ അതിനോടൊപ്പം ഞങ്ങളും  കത്തിയമരുമെന്നും ഞാൻ വിശ്വസിച്ചിരുന്നു.    ഞങ്ങളുടെ അരക്ക
Read more

വ്യാസചരിതം

Image
ഇരുന്നൂറു കൊല്ലം മുന്‍പുള്ള ചെപ്പായി ഗ്രാമം. ഓലച്ചൂട്ടുതിറയും ഒടിയനും യക്ഷിയും തൊട്ടുകൂടായ്മയും തീണ്ടിക്കൂടായ്മയും എല്ലാം ഉണ്ടായിരുന്ന കാലം. **** ഒരു വൈകുന്നേരം പതിവുപോലെ മുറ്റ മടിക്കുകയായിരുന്നു കാളി. പിറ്റേന്ന് ഇറക്കിപ്പൂജയുളളതാണ്. ഭഗവതി വരുമ്പോള്‍ മുറ്റം അലങ്കോലപ്പെട്ടു കിടന്നാല്‍ കോപിക്കും. പിന്നെ അതുമതി ഈ ജന്മം മുഴുവന്‍ പിഴ കിട്ടും. പേടിയും ഭക്തിയും ചേര്‍ത്തുകൂട്ടിയാണ് കാളി അന്ന് മുറ്റമടിച്ചത്. ന്യൂന മർദ്ദങ്ങ ളുടെ പൊറാട്ട് നാടകം പെട്ടെന്ന് നാടകീയമായി ഒരു മഴ പെയ്യിച്ചു. ആകാശം ഇരുണ്ടു. മേഘങ്ങള്‍ കരുവാളിച്ചു. പിന്നെ പരസ്പരം മുട്ടിയുരുമ്മി. **** ഇടി വെട്ടേറ്റാണ് കാളി മരിച്ചത്. കറുത്ത് പൊള്ളിയ അവളുടെ ശവം അന്നത്തെ മഴ മുഴുവനും നനഞ്ഞിരുന്നു. ഒപ്പം അവളുടെ ചുവന്ന കെട്ടുള്ള ഈര്‍ക്കിലിച്ചൂലും. കാളിയുടെ മരണം നാട്ടുകാര് അറിയുന്നത് പിറ്റേന്ന് രാവിലെയാണ്. കെട്ട്യോന്‍ കളഞ്ഞിട്ട് പോയ കാളിക്ക് മകള്‍ മല്ലിയല്ലാതെ വേറാരും ഉണ്ടായിരുന്നില്ല. കഴിഞ്ഞയാണ്ട് മല്ലിയെ കെട്ടിച്ചയച്ചതില്‍ പിന്നെ അവളങ്ങ് തെക്കാണ് താമസം. മല്ലിയെ വിവരമറിയിക്കാന്‍ ആളെ വിട്ടെങ
Read more